1. | Na Rev. M. Kapa raua ko Riapo Puhipi:— E whakapai ana te Hui ki te Upoko mo tana whai-korero, a e tono ana kia whakaae mai ia kia perehitia ki nga mahi o te Hui. Whakaaetia ana. |
2. | Na te Atirikona Karaka, raua ko Rev. H. T. Papahia:— Ko Rev. M. Kapa raua ko Riapo Puhipi hei Kai-tuhituhi. Whakaaetia ana. Homai ana e nga mema nga Kupu whakaari, nga Patai, me nga Pitihana. |
3. | Na Rev. N. Tautau, he patai:—
Pehea te kupu mo nga whakaari e toru i hikitia mai i te Hui i te Pourewa i te tau 1897?
(a). | Mo te ingoa o te Kingi Maori kia whakaurua ki te Inoi mo te Kuini, ki te Inoi ranei mo te Piriniha o Weeri. |
(b). | Mo te Hahi Maori kia tukua kia haere noa. |
(c). | Mo te Hahi Maori kia huaina ko te "Hahi Maori motuhake o Niu Tireni." Te whakahoki:— |
(a). | Kahore he he mo te inoi a te tangata mo te hunga whai-mana kia tohutohungia, engari e kore e ahei kia honoa mai ki nga Inoi mo te Kuini mo te Piriniha o Weeri ranei. |
(b). | E kore e ahei kia rua whakahaere mo te Pihopatanga kotahi. |
(c). | Kahore au e whakaae. |
|
4. | Na Ruka te Huru, he patai:— E pehea ana te tikanga a te Komiti tiaki moni ki taku tono kia whakahokia mai nga hua o te Tahua minita o Hokianga, o te takiwa i muri i te matenga o Rev. Piripi Patiki tae noa mai ki te nohoanga page 7o Rev. Hone Papahia? Te whakahoki:— Ko aua hua i hoatu ki nga Minita tirotiro i Hokianga i taua takiwa. |
5. | Na Ruka te Huru, he patai:— He mea tika ranei kia iriiria tuaruatia e te Hahi Katorika Roma nga tangata kua iriiria e tenei Hahi? Te whakahoki:— He mea he rawa: ko te mana hoki o te Iriiri Tapu ko te Ingoa o te Tokotoru Tapu. |
6. | Na Rev. Wiki te Paa, he patai:— Ka mau tonu ranei te Whare Kura i Tipene hei kainga mo nga Hui a muri ake nei; hei kainga noho hoki mo nga Minita Maori ina haereere mai ki Akarana? Te whakahoki:— Ae, ko Tipene te kainga mo nga Hui, mo nga Minita Maori ina haere mai ki Akarana. |
7. | Na Rev. Nikora Tautau raua ko Paratene Kapa:— Me kohi moni te taha Maori mo te Kura Kotiro Maori ki Akarana. Me tu he Komiti kohi moni ki ia takiwa, ki ia takiwa; a me puare taua kohi ki nga wahi katoa, tae atu ki Ngatiporou. Whakaaetia ana. |
8. | Na Paora Reweti raua ko Weneti Ruarangi:— Me hanga he Whare-karakia ki te piihi whenua e rima eka, i tukua ki te Hahi e o matou i Orakei. Whakaaetia ana. |
9. | Na Wiremu Huihi, he patai:—
(a). | E hia nga Whenua Maori o te takiwa o Waikato e tiakina ana e te Komiti o te Hahi? |
(b). | Kei te retia ranei aua Whenua? |
(c). | Kei te whakahaerea ranei nga moni o aua Whenua ki nga mahi i Waikato anake? Te whakahoki:— Me patai koe ki a te Kakarana, ki te Kai-tuhituhi o te Komiti tiaki whenua o te Hahi i Akarana. |
|
10. | Na Mare Teretiu raua ko Poari Riwai:— Me whakamana e te Hui nga Komiti Maori ki te wehewehe i te hunga marena e whakarere ana i a raua. Kihai i whakaaetia.page 8 |
11. | Na Rev. Wiki te Paa raua ko Rev. Hone T. Papahia:— Me tono atu tenei Hui ki a Rev. H. W. Wiremu kia perehitia mai nga whika mo nga rangi Himene kia rite ano mo nga reo e wha. Whakaaetia ana. |
12. | Na Reupena Tuoro raua ko Rev. Matiu Kapa:—I te wa e minita kore ana a Waimamaku me waiho nga. Hua o tona Tahua minita hei whakanui i te matuatanga o taua Tahua. Whakaaetia ana. |
13. | Na Koroniria Kaipuke raua ko Ruka te Huru:— Me wehewehe nga moni, e £42, o Parirauewha mo Ripia, mo Kapehu, mo Parirauewha. Whakaaetia ana. |
14. | Na Koroniria Kaipuke raua ko Ruka te Huru:— Me whakararangi nga moni tahua minita o ia takiwa, o ia takiwa, i roto i nga Pariha nunui. Whakaaetia ana. |
15. | Na Rawiri te Ruru raua ko Karaka Rutene:— Kia wehea mai a Ohaeawai i te Takiwa o Mangakaahia, a kia honoa ki te Pariha o te Waimate. Whakaaetia ana. |
16. | Na Nikorima Poutotara, he patai:—
(a). | E hia nga eka o te Hahi i te takiwa o Hauraki nei? |
(b). | Kei te reti ranei aua whenua? |
(c). | Mehemea kei te reti, whakaaturia mai nga moni.
Te whakahoki:—
Me ahu to patai ki te Komiti tiaki whenua o te Hahi. |
|
17. | Na Rev. Matiu Kapa raua ko Rev. Nikora Tautau:— Kia tere te whakatutuki e nga Pariha nga Tahua Minita o ia Pariha, o ia Pariha, ki te £300, neke ake ranei. Whakaaetia ana. |
18. | Na Rev. Matiu Kapa raua ko Rev. Hohua Moanaroa:— E mihi ana tenei Hui mo Rev. R. Para kua mate nei, ko ia hoki te whakamutunga o nga kaumatua o te Hahi Maori ki tenei Pihopatanga. Whakaaetia ana. |
19. | Na Rev. Matiu Kapa raua ko Riapo Puhipi:— E whakapai ana tenei Hui ki a Rev. Hapata Wiremu me nga page 9tangata o te Kareti i Turanga mo to ratou kakama ki te perehi i nga mea mo te taha Maori, me te mama o te utu. Whakaaetia ana. |
20. | Na Paratene Kapa raua ko Rev. Hohua Moanaroa:— Kia tere te whakarite i tetahi minita hei riwhi mo Rev. Heta Tarawhiti, kua turorotia i runga i te koroheketanga. Whakaaetia ana. |
21. | Na Ruka te Huru raua ko Henare Taha:— Me whakarere te ingoa 'Atirikona' o te moni e kohia nei i te Kirihimete, a me hua ko te Tahua Hahi Maori. Whakaaetia ana. |
22. | Na Riapo Puhipi raua ko Koroniria Kaipuke:— Me whakawhitiwhiti nga minita tirotiro i a Waikato. Whakaaetia ana. |
23. | Na Rev. Herewini N. Paerata raua ko Rev. Wiremu P. te Waha:— E whakapai ana tenei Hui ki a Rev. Matiu Kapa mo te uaua o tana mahi i nga mahi o nga Hui o te Hahi Maori. Ko te 23 tenei o nga tau kahore ia i ngaro atu. Whakaaetia ana. |
24. | Na Nikorima Poutotara raua ko Poari Riwai:— Me perehi te Poroporoaki a Rev. Wiremu Turipona ki ona iwi o Ngatimaru ki te pukapuka o tenei Hui. Whakaaetia ana. |
25. | Na Rev. Wiremu P. te Waha, he patai:— E ahei ranei nga tupapaku Katorika Roma ki nga wahi tapu a tenei Hahi? Te whakahoki:— E ahei ano. |
26. | Na Rev. Hare M. Ruarangi raua ko Rev. Timoti Kiriwi:— E tino whakapai ana tenei Hui ki nga tikanga e whakahaerea ana e te Kareti i te Aute hei hapai i te ora mo te iwi Maori. Whakaaetia ana. |
27. | Na Rev. Herewini N. Paerata raua ko Rev. Taimona Hapimana:— Ka nui te whakapai a tenei Hui ki te nui o te awhina o Ngatimaru i nga mema o te Hui. Whakaaetia ana. |
28. | Na Rev. Hare M. Ruarangi raua ko Weneti Ruarangi:— Ki Reweti te Hui Taniwa o nga Atirikonatanga o Waikato o te page 10Waitemata a te tau 1899, hei nga ra timatanga o Maehe. Whakaaetia ana. |
29. | Na Koroniria Kaipuke raua ko Riapo Puhipi:— Ki te Wairoa, Kaipara, te Hui Takiwa o te Atirikonatanga o te Waimate hei nga ra whakamutunga o Maehe, 1899. Whakaaetia ana. |
30. | Na Rev. Taimona Hapimona raua ko Riapo Puhipi:— Me tuku atu te Kupu Mihi a tenei Hui ki te whaea o Pihopa Hone Herewini kua mate nei. Whakaaetia ana. |
31. | Na Rawiri te Ruru raua ko Henare Taha:— Me tuku mai nga Ripoata o nga mahi a nga minita kia perehitia ki nga Mahi a te Hui. Whakaaetia ana. |