Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

He Ture whakatakoto tikanga mo te mahi whakamate i nga kutu hipi (Nowema 8, 1884.)

He Ture whakatakoto tikanga mo te mahi whakamate i nga kutu Hipi. [Nowema 8, 1884.]

He Ture whakatakoto tikanga mo te mahi whakamate i nga kutu Hipi. [Nowema 8, 1884.]

Na Ka Meinga Hei Ture e te Runanga Nui o Nui Tireni e noho huihui ana i roto i te Paremete, i runga hoki i te mana o taua Runanga nga ritenga e mau ake nei, ara:—

1.

Te Ingoa Poto o tenei Ture ko "Te Ture Whakatikatika i te Ture mo nga Hipi, 1878, o te tau 1884."

Me haere tahi tenei Ture me whakakotahi ano me "Te Ture mo nga Hipi, 1878" (ka kiia i roto i tenei ko "taua Ture.")

2.

Ki te mea ka mohio pu tetahi o nga Kai-titiro hipi tera he hipi kua muia e te kutu kei roto i tetahi kahui hipi, me tuhituhi atu ia i tetahi panui ki te tangata nana aua hipi kia rumakina aua hipi i runga i te tikanga e mohiotia putia ana e taua Kai-titiro hipi, e tetahi atu Kai-titiro hipi ranei e tika ana; a mehemea e kore te tangata nana aua hipi e whakaae, ka ngoikore ranei ia, ka kore ranei ia e whakarongo ki te kupu whakahau i roto i te panui i tukua atu ra ki a ia i roto i nga ra o te marama kotahi i muri iho i te tukunga atu o taua panui, ki te mea ka whakawakia a ka tau te he o te whakawa ki a ia, e tika ana kia tonoa ia kia utu i nga moni kaua e iti iho i te rima pauna, kaua e nui ake i te rima tekau pauna.

A ki te mea ka pahure nga marama e toru i muri iho i te ra i tau ai te he o te whakawa ki te tangata pera, a ka mohio pu tetahi o nga Kai-titiro hipi kahore ano i rumakina tikatia aua hipi, penei ka whakawakia ano taua tangata nana aua hipi, a ki te tau ano te he o te whakawa ki a ia, e tika ana kia tonoa ia kia utu i te utu apiti atu ki aua utu kaua e iti iho i te rua tekau pauna, kaua e nui ake i te rima tekau pauna mo ia toru marama mo ia toru marama i muri iho.

3.Me whakahaere nga tikanga o tekiona toru tekau ma toru me tekiona wha tekau ma rima o taua Ture i ia wa i ia wa e tika ana kia peratia, ki runga ki nga hipi katoa e muia ana e te kutu i muri iho i te tukunga o tetahi panui ki te tangata nana aua hipi pera, ki te page 2rumaki i aua hipi i runga i nga tikanga kua koreotia i roto i te tekiona i mua ake o tenei, kia whakaputaina ra ano e te Kai-titiro hipi te tiwhikete ki te tangata nana aua hipi whakaatu tera kua rumakina tikatia aua hipi, me whakahaere ano hoki ki runga ki ia tangata, ki ia tangata ki te mea ka aia ka arahina ranei, ka tuku ranei i nga hipi pera kia haere kaewa noa i runga i nga tikanga kua korreotia i roto i taua wha tekau ma rima tekiona kua whakahuatia i runga ake nei.
4.Ka whakakorea te ono tekau ma waru o nga tekiona o taua Ture e tenei.
5.Mehemea ka kitea he hipi kua muia e te kutu i roto i tetahi pauna, iari ranei e haere nei nga hipi o te katoa, i roto i tetahi iari ranei e maketetia ai he hipi, ka taea te tono kia utu te tangata nana aua hipi i te moni kaua e iti iho i te kotahi pauna, kaua e nui ake i te rima pauna.