Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Ture Whenua, 1885

page break

Niu Tireni.

Ture Whenua, 1885.

Wahi IX.
Nga rarangi e pa ana ki nga Whenua Maori.

247.

Ki te kite te Kawana ko etahi whenua Maori kua riro ne i a Te Kuini i runga i tetahi huarahi, i hokona ranei ki etahi moni i pootitia, tera ranei e pootitia hei hoko whenua i Aotearoa Niu Tireni kua watea, ara kua kore nga kereme Maori me era atu raruraru, kei reira, me panui e ia aua whenua he whenua Karauna, me haere ano i raro i nga ritenga whakahaere hoko me nga tikanga tuku i nga whenua Karauna e mana ana i ia wa i ia wa i roto i te takiwa e takoto ana taua whenua, kei reira, ko taua whenua e panuitia ana ka tau ki raro ki aua ritenga whakahaere.

I te mea kua riro mai, tera ranei e riro mai he whenua Maori i hokona ki etahi moni e tika ana hei hoko i aua whenua i Aotearoa, tetahi taha, paanga ranei i roto, ka ahei te Kawana ki te whakamana i ia kupu whakaritenga i roto i tetahi pukapuka tuku hoko ranei ki te Kuini mo ia whenua Maori hei rahui, hei hoko, hei karaati ranei kia ratou i tetahi wahi a taua whenua, a mo runga mo taua tikanga ka ahei ki te rahui ki te karaati ranei taua wahi i runga i te ritenga e hiahiatia ana e aua Maori,

248.I runga i te whakaotinga i nga whakaritenga hoko e whakahaere nei mo te hoko i etahi whenua Maori i roto i te Takiwa Whenua Maori o Te Teemu e meingatia ana ikonei ko tetahi panui a te Kawana o te tahi tekau ma rima o Oketopa, tau tahi mano waru rat e whitu tekau ma wha, i panuitia ra ki te Gazette i raro i nga tikanga o te tekihana wha tekau ma rua o "Te Ture Whakatikatika i Te Ture mo nga Mahi Nunui, 1871," me whimana tonu ki nga whenua e pangia ana e taua panui kua utua nei etahi o nga moni e te taha ki a te Kuini, tae noa ki te otinga o taua hoko, ahakoa i whakawakia aua whenua etahi ranei o aua whenua e te Kooti Whenua Maori i mua atu i taua panuitanga kaore ranei.
249.

Na mo runga mo etahi whenua Maori e riihitia ana e te Kuini tera ranei e riihitia e ia, me whai mana enei ritenga e whai ake nei:—

page 2

(1.) Ka ahei te Kawana mo runga mo te taha ki a te Kuini ki te whakawhiti i aua whenua ki te Poari whenua o te takiwa whenua e takoto ai aua wahi, kia riihitia ai ano, i raro i nga tikanga o tenei Ture. Kaua e whakahaerea aua whenua kia tau ra ano ki raro ki te mana o te Poari whenua.

(2.) Mehemea kahore he ritenga hei pera, me reti aua whenua, i raro i nga tikanga e whakaritea ana i ia wa e te Poari whenua me whakaae ano hoki te Kawana i roto i tona Kaunihera.

(3.) Ko ia riihi o aua whenua me tuku i runga i te tikanga makete, i te wa me te wahi e whakaritea ana e te Poari, engari me matua panui mo nga ra e iwa tekau, me nga ritenga me nga tikanga o aua riihi, kia wha rawa hoki panuitanga ki roto ki te Gazette.