.gif)
Takiwa
Porowini
I Te Koroni O Nui Tireni.
Kia Wikitoria,
Te Kuini o Piritene Nui me Weira.
E to matau Kuini Atawhai. Tena ra koe te kai-Tiaki o nga Moutere o Nui Tireni, kia maturuturu iho e nga rangi i runga kia ringitia mai ano hoki he Tika, e nga kapua kia puare te whenua, kia hua te whakaoranga kia wana ngatahi ano hoki te tika.
He Pukapuka whakaputanga tenei i a matau Tikanga kia koe mo runga.i nga whenua, i nga Taonga me era atu mea o matau o nga tangata Maori o nga motu o Nui Tireni, A, kia whakapaingia mai e koe i roto i te maramatanga me te Aroha mai ki ou Iwi Maori. I runga i to matau whakaaetanga, ki nga Putake ka tuhia iho nei.
| Tuatahi (1.) |
Kia whakaturia he "Komiti Maori" mo nga motu o Nui Tireni, me tetehi kai whakahaere tangata Maori i roto ano i taua Komiti, hei whakarite i nga tikanga e takoto Pai ai te toenga o matau whenua o matau Taonga me era atu mea a, e tau pai ai hoki ta matau noho, i runga i te Rangimarie. |
||||||||||||
| Tuarua (2.) |
Ko nga whenua e whakaaturia atu nei e matau kia koe, hai taunga iho mo nga "Maua" Maori me ona tikanga, koia tenei ka whakahuatia iho nei.
|
Na, e to matau Kuini atawhai kai raruraru to ngakau ki tenei Pukapuka, me ona tikanga katoa. No te mea e tukua atu ana e matau kia koe i runga i te ngakau mamae, me te Aue nui, o enei motu katoa i ruaga i te taimaha o etahi o nga Ture a te kawanatanga, ka pa nei ki a matau ki nga Iwi Maori o Nui Tireni, a, i runga i to matau whakaaro kotahi, ki nga Patake kua oti nei te whakahua i runga ake nei, koia ka tuhia nei o matau ingoa me o matau tohu ki raro iho nei.
E te Atua, tokungia a te Kuini.
Me tau whanau.