[Notice asking for support for a petition on land matters]

Kia Hiwa e Kia Hiwa raa.

He whakaowhiti tenei kia matatu ai te ngakau puta noa ki nga taha e wha o Mairehau o Arapawa e haia nei te ingoa ko Nui Tireni

• Ka tae tenei pukapuka
• Ki nga Iwi
• Ki nga Hapu
• Ki nga Rangatira
• Ki nga mana Te Kupu ra
• Huia kia kotahi.

Maranga mai tatau katoa ka whakawhiti, kia tae atu ki te [unclear: aroaro] mana tapu me nga ranga tiratanga nunui e titiro mmai ra ki o tatau mate me o tatau mamae nui e whakataimahatia nei e nga Ture o te kawanatanga [unclear: peehi] nei ki runga ki o tatau tinana me o tatau Wairua.

Na, e tono atu ana i o koutou ingoa kia Haina ki te pukapuka e takoto nei, ko te rapu i te ora, mo te tangata Maori te ingoa ara [unclear: kai] te reta na te whakamarama kia koutou, kai te tangata ranei ma ana e Kawe atu.

Take tuatahi, ko te Ture [unclear: Taake] kia whakakorea atu ara kia kaua [unclear: e] pa ki runga ki na whenua Maori me o tatau taonga kat[unclear: e]a.

Take Tuarua kia whakakorea rawatia nga upoko o nga Ture e pa nei ki runga ki nga Iwi Maori engari ma tetau ano e whakarite he tikanga mo a tatau whenua tae atu ki nga taonga, E maarama ana hoki koutou ki o tatau mate e mate nei i o tatau ake mema.

Na, i te mea kua kitea nei he Tuaraa hai tautoko ia tatau, na reira ka tonoa atu nei koutou ki a Haina ki raro o nga take ka hia atu nei, kia kite ngatahi ai koutou me [unclear: ratau] ano hoki.