73. | E kore e tika kia tu noa atu tetahi tangata e hara nei i te roia, i roto i te Kooti hei kai whakahaere mo tetahi atu tangata, mehemea kahore i whakaputaina atu he raihana ki a ia e te Tumuaki i runga i te ahua nama toru tekau ma iwa i roto i te Kupu Apiti, hei whakamana i a ia ki te mahi pera. |
74. | E kore te tikanga i runga ake nei e pa ki nga Maori tuturu engari ki nga hawhe-kaihe me o ratou uri a e kore hoki e pa ki tetahi tangata e tu ana hei kai whakahaere mo tana wahine, mo tana taane, mo ana matua mo ana tamariki ranei. |
75. | Me tuhi he rehita whakaatu i nga tangata i tukua ai he raihana ki a ratou a me panui o ratou ingoa ki te Gazette me te Kahiti i ia wa i ia wa. |
76. | Ka mana nga raihana mo te tau kotahi a ka mutu hoki te mana o aua raihana i te 31 o nga ra o Tihema i ia tau i ia tau. |
77. | Ka ahei te whakakahore i te mana o te raihana i nga wa katoa. |