Paraire, Aperira 5, 1893. 7 P.M.

Te Pitihana ate kawanatanga o te whare o raro.

Tiamana Peni Te Ua: Ka whakamarama ite pitihana tuarua [unclear: knga] mema kia kaha kia pai rawa te whiriwhiri i taua take.

H. Moetara: Taku tuake mo tenei take ka whakamarama atu au ki te whare taku hiahia me waiho ma nga komiti o nga iwi e pooti o ratau Timuaki engari taku kupu tuturu e kore rawa au e patu katoa i tenei rarangi engari te kupu mote Tumuaki pakeha me patu.

Mueru Te Rangitaumaha: E tautoko ana au i tenei korero me page 21kore atu tenei take Timuaki pakeha.

M. Mara: E tautoko ana au ite korero a te Honore memae orero nei.

H. Hinaki: Kaor au e unu katoa i taua rarangi. Ki Waho Engari ko te kupu Timuaki anake taku i ki ai me un ki waho hei raro iho nga korero a nga mema e korero nei.

M. K. Takarangi: Taku mahara me waiho ma nga Timuaki toko 3 e whakatau tenei take mehe mea ehe ana te whakatau Timuaki, anga Tiamana ranei me tono atu kia rua Tiamana hei whakatau kia 3 ranei nga T amana ki te kore e taea me tuku atu he tono ki etahi Tiamana i waho atu ki taku mahara me whakatau te Timuaki nei hei Tiamana.

H. Te Mihoaterangi: E tautoko ana au i nga korero a enei kua tu ake nei kaore au e patu katoa i nga rarangi engari kotahi ano taku e whakahe nei kote Tumuaki pakeha.

Iraia Kuao: Ko au he kai whakawa au mo te Tiriti o Waitangi kaore ano aku whakawa i riro noa ma te Timuaki pakeha e whakatau engari mate Tiamana tonu e whakatau,

Patana Karaparapa: Ko au he tangata Runanga, ano au ko toku whare he whare whakawa, engari taku hiahia ko nga korero anga mema Honore nei taku e whakaae ana.

Piripi Te Maari: Taku kerero i tu ake ai au ki runga kua kotahi te iwi Maori i raro i te mana o te Tiriti o Waitangi tetahi e penei ana te korero a tatau e noho nei, Kauaka te Riihi Kauaka te Kooti Kauaka nga Ateha kanata nga Ruuri kauaka nga mea katoa katie pai ana enei kupu, ekore au e whakaae ko te pakeha hei Tumuaki.

Tamihana: Te hoia, e Tautoko ana au i enei korero e korero nei nga mema ki taku mahara me wha kaoti enga mema.

Rangitahau: Taku mahara i whakapaua e nga mema o te whara ra enei take e korero nei tatou ki taku mahara e whakae ana au ki te korero a Piripi Te Maari e korero nei kanui te koa o toku ngakau ki nga korero a nga mema katoa e korero nei.

W. K. Tamaiwhakakitea: E whakaae ana au ki enei take katoa e korero nei nga mema.

E. K. Taku: tuake kore rawa atu au e pai ko te Timuaki pakeha hei Timuaki me kore rawa atu te Timuaki pakeha i roto i tenei Pire. P. Paurini: I pe nei katoa nga korero.

Pika: H. M. Tawhai kua rereke taku kupu i tenei tunga ake oku ko tenei take e haere atu ana ki te Paremata o Nui Tireni kati no reira au i mahara ai ko enei rarangi katoa me tuku atu ki raro koi kiia e te kawanatanga e turaki ana tatau i te Timuaki pakeha ka kore ano ta tatau e whakaaetia mai e ratou.