Title: Paremata Maori: Waipatu 1893

Author: Māori parliament

Part of: He reo nō ngā rōpū whakahaere tikanga / The language of Māori governing bodies.

License: Creative Commons Attribution-Share Alike 3.0 New Zealand Licence

Share:

10 A.M.

Pika: Mehemea he motini me tuku mai.

Mangakahia: E motini atu ana ahau kia whakaaturia mai ki whea ranei te Paremata tu ai a tenei tau e tu mai nei.

A. Kume: E mea atu ana ahau kia noho tonu te hui i te Waipatu nei.

Reweti: Me unu tenei korero mo te 2 p.m.

Toroaiwhiti: E tautoko ana ahau.

Pika: Konga mea e pai ana me ki mai Ae. Paahitia ana.

Ka panuitia atu te motini a Meri Mangakahia, he tono kia whai mana nga wahine ki te pooti.

R. Aperahama: Me haere mai a Meri Mangakahia ki te whakamarama i tenei motini.

H. K. Taiaroa: E tautoko ana ahau i tenei motini, i te mea kanui nga wahine whiwhi whenua a ka mahi noa atu ko tatou ki te mahi ture atu mo o ratou whenua I oti hoki i tera tau kia kohi nga wahine i te £1 0s 0d, na reira me whai mana nga wahine ki te pooti.

Pika: Ka tonoa atu a Meri Mangakahia.

Mo te 2 p.m. ka noho te whare.