2 P.M.
Hokinga Mai O Te Pire a Taiaroa
I Te Whare Ariki.

Pika: Kua paahitia te pire a Taiaroa i runga ano i tona ahua ake. Konga menemana katoa a tenei whare kua patoa katoatia. Ko ta Heke kua waiho mo tera tau, kua paahitia ta Wi Pere.

H. K. Taiaroa: E motini atu ana ahau kia paahitia taku pire i runga i te paahitanga mai a tera whare.

Tamahau: E mea ana tatou kaore tahi he mate e pa mai kia tatou i runga i te paahitanga o tenei pire. Konga tangata e whai whenua ana ka pa i te mate i runga i tenei pire. E pai ana kia tere te paahi, kia kite tatou i te pewhea-tanga ranei o nga tangata whai whenua. Konga mea e paahi ana ka tika tonu atu ma te karauna e paahi mai.

H. K. Taiaroa: Kaore tahi he pai o te korero a te mema nei i te mea e ki ana ia ka mate o tatou papatu Kaore tahi he mate e pa mai kia tatou.

Kaore e tika tonu atu ki te karauna. E ki ana te pire, me haere ki te komiti o te kotahitanga i te tuatahi ka tika ai te haere kia hainatia mai e te kawana.

R Kawatupu: E tautoko ana ahau i tenei pire, i te mea e ki ana (1) kia tu rite nga maori ki te pakeha, (2) kia riro ano ma te kawana e whakamana nga whakataunga.

E kore rawa tatou e whai mana.

H. Paerata: Kaore ahau e tautoko i tenei Ripoata a te whare o Runga.

Pika: Ka nuku te korero mo te 7 p.m