8. | Ka ahei te Kaitiaki mo te Katoa i runga i te whakaae a te Poari ki te hanga, ki te whakakore, ki te whakarereke ranei i nga ture whakahaere tikanga hei whakahaere i nga mahi me nga tikanga i raro i tenei Ture, hei whakamana hoki i nga tikanga me nga whakahaere o tenei Ture me era atu tikanga katoa e whakamanangia ana te Kaitiaki mo te Katoa ki te hanga i nga ture iti me nga ture whakahaere tikanga. Me kaua aua ture whakahaero tikanga e papatu i nga tikanga o tenei Ture me nga ture whakahaere tikanga i hanga e te Kawana, me kaua ano hoki e mana aua ture kia whakaaetia ra ano e te Kawana. |
9. | Ko te tauira o tetahi ture whakahaere tikanga kua hiritia ki te hiri a te Kaitiaki mo te Katoa ara mehemea e mea ana taua tauira i whakaaetia e te Kawana ka ahei te tango hei huarahi tino whakaaetanga i hanga i whakaaetia i runga i nga tikanga e hiahiatia ana i runga i nga tikanga o tenei Ture, a ka tirohia i runga i nga tikanga o te ture ahakoa kahore he kaitautoko i aua korero. |
10. | Ka ahei tetahi ture whakahaere tikanga te whakatau kia tukuna he whiu mo nga takahanga katoa o nga utu i tonoa kia utua e te Kooti, a me kaua aua utu e hipa ake i te rua tekau pauna. |