I runga i aua whakawa ka ahei e te kaikaro te ki ko taua he i mahia e ia i runga i te whakaaro e mahi tika ana ia i raro i nga tikanga o tenei Ture, a ka ahei ano ia te tuku i nga korero mo taua take, a mehemea e whakaaro ana te Kooti he tika tonu taua karo me whakakore atu taua keehi.

I runga i te whakawakanga o tetahi kehi e kore e ahei te kai tono tana kaiwhakahaere ranei ki te korero i tetahi korero ra waho o te keehi kihai i uru i ki te panui.

Ekore e ahei te kaitono tana kaiwhakahaere ranei ki te whakahaere tonu i taua whakawa mehemea kua oti te whakarite taua rauraru e te kaikaro, e te tangata ranei i whakaekea ai taua whakawa ki runga i a ia i mua o te timatanga o te keehi, a mehemea kaore ano kia whakaritea ki ahei te kaikaro te tangata ranei e whakahaere ana mo te taha ki aia i runga i te whakaae a te Kooti i whakawakia ai taua take ki te utu ki roto i te Kooti i te wa e pai ai ia nga moni i pai ai ia, a i reira ano ka peratia taua keehi e te Kooti me nga keehi e utu nei i nga taunahatanga i runga i etahi atu keehi ki roto i te Kooti.

Kahoro he mea e mau ana i mua ake nei e meinga kia pa ki tetahi take whakawa a tetahi Maori ki te Kaitiaki mo te Katoa a mo tetahi pohehetanga o te tiaki.

Ko nga mana kua whakataua e "Te Ture Kooti Whenua Maori, 1886," hei whakarite tikanga whakahaere me mana hoki mo nga mahi e whakahaerea ana i raro i nga tikanga o tenei Ture, engari kaua e poka ke atu i nga tikanga e whakaritea ana e te Kawana i raro i te mana o tenei Ture. Ko nga tikanga whakahaere e mahia ana inaianei tera ranei e mahia a muri ake nei, e poka ke ana i nga tikanga e whakaritea ana e te Kawana, me kaua e mana engari ko a te Kawana i whakarite ai me mana mo runga mo nga tikanga o tenei Ture.

Ka ahei te Kaitiaki mo te Katoa ki te utu atu i etahi o aua moni hua hei oranga, hei akoranga, hei painga ranei mo nga Maori whaitake, i runga ano i tana i mahara ai he mea tika.

Ko nga moni e puta hua mai ana a kaore i te whaitikanga kia utua tonutia atu i naianei, ka tika kia whakamahia ano i runga i aua tu tikanga nama moni.

I te mananga o tenei Ture me hohoro tonu te tuku atu a te Tumuaki o nga Kaiwhakawa ki te Kaitiaki mo te Katoa—

(1.)	He tauira totika o nga ota katoa e whakaputaina ana i raro i nga tikanga o "Te Ture Whakahaere i nga Whenua Tuturu a nga Maori, 1888," i raro ranei i nga Ture kua whakakorea e taua Ture;
(2.)	He pukapuka whakaatu atu ko ewhea o aua ota e whaimana tonu ana;
(3.)	He pukapuka whakaatu atu i nga whenua e pangia ana e aua ota;
(4.)	Nga ingoa, me nga kainga, me nga mahi oranga o nga kaitiaki i whakaturia i raro i aua ota, me nga tamariki, me nga porangi, me era atu tangata kore mana ki ta te ture, e whaitake ana ki nga taonga kua whakataua e aua ota ki etahi kaitiaki;page 20
(5.)	Me era atu tikanga e pa ana ki aua mea i runga i te tono a te Kaitiaki i ia wa i ia wa.

Ko nga kaitiaki katoa i whakaturia i raro i "Te Ture Whakahaere i nga Whenua Tuturu a nga Maori, 1888," i raro ranei i nga Ture kua whakakorea a taua Ture, i te mananga o tenei Ture me hohoro tonu,

Te utu, te hoatu ki te Kaitiaki mo te Katoa nga moni me nga taonga katoa e tiakina ana a whakahaere ana ranei e ratou:

Te tuku atu i te rarangi moni whakaatu atu i te whakahaeretanga o aua mea e tiakina ana, a me whakaatu atu i runga i te huarahi e hiahiatia ana e te Kaitiaki mo te Katoa, me te pau katoa te tuhituhi nga mea katoa a tonoa atu aua e ia;

Te whakaatu atu era atu mea katoa e hiahiatia ana e te Kaitiaki mo te Katoa.

Mehemea ka kore e rongo tetahi kaitiaki i whakaturia peratia ki te mahi i nga mea kua whakaritea i runga ake nei i runga i te tono a te Kaitiaki mo te Katoa, ka ahei te Kaitiaki mo te Katoa ki te tono tamana i te Hupirimi Kooti hei whakahau i taua kaitiaki kia mahi i aua tikanga; a ka ahei te Hupirimi Kooti, tetahi Kaiwhakawa ranei o taua Kooti ki te whakaputa ota mo taua take, whakarite hoki i nga utu, i runga i tana i mahara ai he mea tika. Kaua a whakataua he utu hei utu ma te Kaitiaki mo te Katoa mo runga mo ia whakawa pera engari ano mehemea e mahara ana te Kooti te Kaiwhakawa ranei kaore i whaitake kia tonoa he whakawa e te Kaitiaki mo te Katoa.

Mehemeahe wahine marena, he tamaiti ranei kei a ia tetahi riihi raihana ranei i raro i tenei Ture, ka ahei ano ki te hoko atu i taua riihi raihana ranei, ano i whaimana i raro i te Ture. Engari kaua enei tikanga e pa atu ki te tamaiti kaore ano kia tae ki te tahi tekau ma whitu ona tau.

Kaua nga tikanga o tenei e pa atu hei whakatika hei whakahe ranei i tetahi riihi i whakawakia i mua o te mananga o tenei Ture.

Ki te hiahia tetahi kai-tango riihi ki te roherohe i te whenua e retia ana e ia kia tukuna ai e ia he riihi mo ia wahi, ka ahei te Kaitiaki ki te whakakore i te riihi tuatahi, whakaputa ai he riihi mo nga wahi o taua whenua ki te kai-tango riihi ki tana tangata ranei i pai ai mehemea ra he tangata tika, a ka ahei te Kaitiaki ki te whakarite i te utu mo ia wahi mo ia wahi, me nga tikanga katoa o roto o te riihi tawhito i runga i tana i mahara ai he mea tika.

Engari ko nga moni e pau ana i te whakakorenga o te riihi tawhito me te mahinga me te riihitanga me nga pane Kuini o nga riihi hou, me utu katoa era e nga tangata na ratou i tono kia mahia houtia.

Me tuhi rawa nga ingoa o nga mema o te Poari hei tohu whakatika ki aua rarangi moni, a ko te Kaitiaki mo to Katoa tetahi o aua mema. A me haina hoki e te Kaitiaki me tatahi atu mema o te Poari tetahi pukapuka whakamarama i nga mahi katoa i mahia e ia mo runga mo nga whenua me nga taonga e whakahaerea ana e ia, kua whakataua ki a ia i runga i te mana o tenei Ture, me era atu mea e whakahaua ana e te Kawana i ia wa i ia wa.

Ko aua rarangi moni, me taua pukapuka whakaatu i nga mahi, me tuku ki nga Whare e rua o te Paremete i mua o te toru tekau ma tahi o nga ra o Hurae i ia tau, mehemea o noho huihui ana te Paremete, a ki te kore me tuku atu i roto i nga ra tekau ma wha i muri tata o te tuwheratanga o te Paremete.