Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Ture Whakahaere Rahui Maori

WahiVII. — Nga Rahui

WahiVII.
Nga Rahui.

76.Ka ahei e te Kaitiaki mo te Katoa i ia wa i runga i etahi whakaaturanga te wehe hei rahui tetahi whenua i tukua ki te Kaitiaki mo te Katoa i runga i tana mahara e hiahiatia mo enei tikanga e mau ake nei ara:—
(1.)Hei huarahi hei piriti whakawhitinga, hei awa puni nga awa nga waikeri maioro keringa kohatu rua kirikiri tahuna kirikiri.
(2.)Hei tunga makete patu kararehe nga pauna nga waikaukau nga whare horoi.
(3.)Hei tunga whenua hoki mo nga kura me nga hohipera.
(4.)Hei whakatupuranga, Rahuitanga rakau, hei tiakanga ranei i nga manu Maori.
(5.)Hei kari, papa takaro, wahi ahuareka, mo te iwi hei toma rua tupapaku.
(6.)Tetahi whenua whai wai ariki, wai rongoa e whakaarohia ana e ia me rahui hei ora mo te katoa, tetahi whenua ranei whai mea ataahua hei mea miharo ma te katoa.
77.Mehemea e wehea ana tetahi whenua mo tetahi wa me panui taua whenua ki roto i te Gazette me te tuku i te panii ki te Minita.

I muri iho i te paunga o nga ra o te marama kotahi kaua ia e hoki iho i nga marama e ono i muri iho i te panuitanga o taua panui, ko nga whenua e whakaaturia i roto i taua panui haunga ia mehemea e tuku panui ana te Kowana ki te Kaitiaki mo te Katoa e whakahe ana ia ki te wehenga tuturu o aua whenua, me panui taua wehenga tuturu ki roti i te Gazette a ki te kore e wehea tuturutia ki te whakahe ranei te Kawana, ko te wehenga noatanga mo tetahi wa ka tino kore atu.

78.I runga i te perehitanga o aua panui kua kiia ake nei ko nga whenua e whakaaturia ana i roto i aua panui ka meinga aua whenua mo nga tikanga i wehea ai aua whenua a ka ahei i ia wa te tuku e te Kaitiaki mo te Katoa i runga i te whakaae a te Kawana i roto i tona Kaunihera tetahi ropu takiwa mo aua tikanga me tuku ranei i runga i tetahi atu huarahi i pai ai te Kaitiaki mo te Katoa i runga i te whakaae a te Kawana i roto i tona Kaunihera i runga ano i taua i kite ai he tika hei painga mo te katoa i raro ano ia i nga tikanga me pupuri aua whenua i runga i te tiaki mo nga tikanga i wehea ai taua whenua ara ki te kore aua tikanga e whakarereketia i runga i te ture.