Letter From W. Thompson to the Prisoners Taken at Rangiriri.

Ki a Ngatihaua, ki a Waikato, Hikairo, Mahanga, ki a Ngatiteata, ki a Tainui,—

Tena koutou, e koro ma, e hoa ma, e tama ma, tena koutou. Kua tae mai ta koutou kupu ki a matou, e kore matou e mama ki te whakarite i ta koutou kupu. Kahore ano i ta noa o matou manawa, i te mate ki a koutou, i te panapananga hoki e te hoariri; kei te ihu te manawa. Ko ta matou mahi i muri i a koutou nei he whakaririka ki ta koutou kupu, he kawhaki tonu i a matou. Ka neke mai te tima, ka neki hoki matou, ka pena tonu matou i roto i enei ra

Heoi nga kupu ki a koutou. Hei kona ra koutou, e mahara ana ahau e ora ana koutou, kotahi ano to koutou mate ko te herehere.

Ko matou kei te mate rawa. Heoi tena.

Ko nga kaiakiko kua mate ko Tereiti, ko te Whakarite; kua mate enei.