Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Further Papers relative to the Native Insurrection [Correspondence relating to the fall of Rangiriri and Ngāruawāhia]

Letter From Wiremu Te Wheoro to the Native Minister

page break

Letter From Wiremu Te Wheoro to the Native Minister.

Taipouri, Tihema 4th, 1863.

E Hoa e Te Pokiha,—

Tena koe. He mea atu tenei naku kia rongo koe i nga korero o toku haerenga atu ki Ngaruawahia i te 3 o nga ra o Tehema, hore rawa he tangata i kitea e ngari i Ngaruawahia anake, ka tae atu matou ka huihui tera ka pupuhi i tetahi taha o te huarahi, i tetahi taha, ko matou i waenga me te pupuhi haere tera, ka tae ki te whare mahihi o Matutaera ka tu mai tera. Ko Ngatimaniapoto i te taha ki Waipa, Ko Waikato i te taha ki Horotiu. Ka mutu te tu, ka noho ki raro. Ka whakatika ki te taki ko Paora te ahuru. Haere mai e taku potiki, haere mai koutou ko o Tupuna, ko o matua haere mai kia kite i to iwi kua ngaro, i to waka kua pakaru, kua taapu (stop) taku riri, kua mau te rongo. Ka mutu, ka whakatika ko Tikaokao. Haere mai e taku potiki haere mai kia kite i to iwi kua ngaro, i to waka kua pakaru haere mai. Ka whakatika ko. Patara Te Tuhi. E haere mai e taku tama, haere mai kia kite i to iwi kua ngaro i to waka kua pakaru. Ka whakatika ko ahau. Te wheoro. Karangatia e aku matua, karangatia e aku tuakana tenei te haere nei kia kite i te iwi kua ngaro i te waka kua pakaru, e taea hoki te aha. E pai ana e aku matua, kia mau te rongo. Kaore aku kupu, kihai au i haere mai ki te korero. Kana tatou e taki e ngari hohoro te utu mai i nga pukapuka. Ka tikina a Tamihana i Tamahere, ka runanga. Ka haere mai ki au ki te mea ka hoatu nga pu, ka hereherea pea matou, e kore matou e marama ki te utu atu i te pukapuka a Te Kawana, no te mea e wehi ana matou i te tima e haere mai na, i nga hoia haere mai na, na reira matou i haere mai ai i Paetai, mea atu ana ahau kahore aku kupu ki a koutou, kahore au i kiia mai hei whakapuaki kupu.

I te ata ka haere mai a Ngatimainapoto ki te tapahi i te kara i Ngaruawahia kihai i tukua e Waikato ka nui te ngangare, ka pupuhi noa iho tetahi me tetahi. Ka tahi ka tukua mai e Tamati Ngapora e Mohi Te-ahi-a-te-ngu, e Patara te Tuhi, e Paora Te Ahuru. e Wiremu Tamehana, ko ta ratou kupu tenei- e Wi ki akoe te Kara nei, me nga tupapaku, me Ngaruawahia mau e hoatu ki a Te Tiauara raua ko Kawana. Engari ko nga tupapaku kaua e whakakinoa e nga hoia ko Ngaruawahia nga kainga me waiho noa iho. Ko matou ka haere i te wehi, ka homai e mohi taua hoeroa ma Te Tianara hei maungarongo. Hoki mai ana ahau me nga puka puka ki a Kawana

Heoi nga Rangatira i reira
Tamati Ngapora
Mohi Te Ahi-a-te-ngu
Wi Tamihana
Tikaokao
Patara Te Tuhi
Kai Ngarara

heoi ano, na to hoa

Na Wiremu Te Wheoro.