Kua hoki mai maua I Akarana, kua kite maua i a Te Kawana I to maua kitenga I a Kawana I te rua tekau ma toru o maehe ka tangi mai kia maua ka karanga mai kia maua kia haere maua kia kite maua I nga Herehere I runga i te kaipuke ka haere maua, a ka tae maua whai korero atu ana maua kia Waikato korero mai ana a Waikato Herehere hoki mai ana maua ka tae maua ki a Kawana ka karanga mai ki maua me haere korua ki Waikato me Ngapuhi, ka haere matou I te rua tekau ma rima o Maehe; ka tae matou ki Waikato ka kite matou, kua mate Waikato, Tangata, whenua. Ko nga Taone o te Pakeha kotahi tekau ma ono, ka tae matou ki Pukerimu wahi o Maungatautari, ka kite matou I te Tianara I reira, ka kite I a matou, ka kite matou, ka maunu o matou potae ki te Tianara, ka maunu to Te Tianara, ka mihi atu ha mihi mai ka mutu, ka hoki mai matou, I te matenga o Orakau Te Pa o nga Maori. Mate iho nga Maori kotahi rau, etoru tekau matahi o nga Pakeha ko nga Herehere i te Kaipuke e rua rau Ko nga wahine kei a Te Whero, kei a Te Awaitaia etoru rau me nga Tamariki.