Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Petition Relative to the Timber Floating Bill

Ki te Tumuaki o te Runanga Kaumatua

Ki te Tumuaki o te Runanga Kaumatua.

E hoa tena koe.

He kupu atu tenei na matou mo nga tikanga o te pire whakarewa rakau ekore maton e whai korero mo nga awa kua hokoa, ki te pakeha ki a ia ano te mana o tona wahi engari kaua rawa e whaka ae ma te pakeha e tango i te mana o nga awa ia matou.

Kua tino rongo hoki te motu katoa nei, I whakaoatitia e te Kuini i tana Tiriti ki Waitangi i te whakapuakanga ka pumau tonu te mana o nga tangata Maori ki o ratou whenua me nga Ngahere here me nga awa me nga tauranga ika a ka tiakina e te Kuini mo matou me o matou uri i muri ake i a matou ko tana Ture tenei mo Nuitireni ki a kore ai e whakangaromia to matou mana e nga iwi ke e noho nei i te ao.

Koia matou i tuhi tuhi atu ai i enei kupu no te mea ka puta taua pire ka eke mai he tikanga whakakore i to matou mana i tukua mai e te Kuini i taua Tiriti e kore hoki tae nga kino katoa o tenei pire te a miki ki ki te pukapuka penei awa iho engari ma koutou e ata Whakaaro i nga putanga mate a nga Whakapuni Wai o nga poro rakau e eke ana ki o matou maara e Turaki ana i o matou Taiepa nga takahanga waewae ranei a nga kai mahi i o matou kai, te pakarutanga o a matou pa ika me te rironga ranei o a matou hinaki Tuna he oranga nei hoki tenei no matou

Koia matou ka inoi ki a koe mau e a ta titiro mai ki a matou kupu e whakaatu atu nei.

Na Renata Kawepo, and 16 others.