.gif)
Petition Relative to the Native Reserves Bill.
He inoi tenei ki te Runanga Kaumatua katoa
[ko te tohutoro i roto i te reo Pākehā]
He inoi tenei ki te Runanga Kaumatua katoa.
E hoa ma,
He kupu atu tenei na matau na nga Rangatira Maori katoa kei Poneke nei, ki a koutou katoa, mo tenei ture hou kua huaina nei tona ingoa poto ko te Ture Whenua Rahui Maori o te tau kotahi mano waru rau whitu tekau ma toru.
He me atu tenei na matau ki a koutou ki te Runanga nui, kaore matau nga iwi Maori o tenei motu e pai ki enei ture kia tu me turaki atu kia hinga aua ture katoa, notemea he mate nui mo matau mo nga iwi Maori o tenei motu, tenei ture pera ano tenei mate, me te iwi o Iharaira i hoatu nei e Parao te ioka nui ki o ratau kahi peehi ai ia ratau i Ihipa. Heoi, ki te tu tonu enei ture katahi ano, nga iwi Maori o te motu nei ka tino oti atu ki te mate. Heoi koia matou ka tino inoi atu ai kia whakakorea atu tenei ture katoa, me kore rawa atu aua ture katoa me te Komihana hoki.
Heoi ano na matau na nga Rangatira Maori katoa kua hui mai nei ki Poneke nei tenei tono atu.
Hoani Meihana Rangiatu, and 28 others.