.gif)
He Ture
Hei whakatikatika i te Ture whakamana Tangata Pooti, Mema hoki mo te whare o nga tangata i whakaturia i runga i te reo o te iwi.
Ko te tikanga o tenei ture koia tenei: He mana hou enei ka apititia ki nga mana e ahei nei te pooti a te iwi i o ratou tangata i pai ai hei Mema mo te whare o nga tangata i whakaturia i runga i te reo o te iwi, koia nei:—
| (1.) | Ko ia tangata tane kua tae ona tau ki te rua tekau ma tahi tau, a mehemea kahore he mana kore i runga i te ture, a mehemea he tangata ia kua whanau i raro i te maru o te Kuini, a mehemea kua ono ona marama e noho ana ki Niu Tireni i mua atu o te ra i whakaritea hei tuhinga i nga ingoa o nga tangata pooti, a kua noho tonu ia ki roto ki te Takiwa Pooti kotahi mo aua marama e ono ka whai mana ki te pooti i tana i ana tangata ranei e pai ai hei Mema mo taua takiwa mehemea ia kua tuhia tikatia tona ingoa ki te pukapuka kohinga ingoa o nga tangata pooti. |
| (2.) | Mo te tangata kihai i whanau i raro i te maru o te Kuini ara te tangata o tetahi whenua ke mehemea kua oti te whakarite e ia kia noho ia i raro i nga ture o Ingarangi mehemea ranei kua ona tau e noho ana ki Niu Tireni ka kiia he penei ia me nga tangata i whanau i raro i te maru o te Kuini. |
Ko te taunga o tenei Ture ki te tangata maori: Kei te rarangi 8 o te ture koia tenei:
A te wa e mau tonu ana Te Ture i hanga i te tau, 1867, hei whakatu tangata maori mo te Paremete tetahi Ture ranei hei whakatikatika i tera, a te wa hoki e noho ana he tangata i roto i te whare o nga tangata i whakaturia i runga i te reo o te iwi, i roto ranei i tetahi Kaunihera Porowini, ekore e tika kia whakamana te maori i runga i tenei Ture kia tuhia tona ingoa hei kai pooti, kia pooti ranei ia i tetahi whakaturanga tangata.
[Tenei tetahi kupu hei tino whakamarama i tera kupu o te Ture nei mo nga maori:—E mana ana te maori inaianei ki te tuhi i tona ingoa ki nga pukapuka ingoa tangata pooti i roto i nga takiwa pooti katoa i runga i te tikanga taonga, e mana ana ano ki te pooti i roto i nga takiwa maori i te mea kua tae nga tau o te tangata ki te 21. Engari kahore te maori e pooti i runga i te mana o nga ritenga kua whakaaturia i roto i te rarangi tuatahi o te Ture nei.]