Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

He wakapuakanga : Na, kia rongo mai koutou, e nga rangatira, e nga tangata katoa o Nu Tirani, ki tenei kupu

He Wakapuakanga

page break

He Wakapuakanga.

Na, kia rongo mai koutou, e nga Rangatira, e nga tangata katoa o Nu Tirani, ki tenei kupu. He Ture tenei na te Kuini o Ingarani, kia tikatika ai ana hoia. Na, e mea ana taua Ture ra, Ekore rawa nga Hoia e tukua kia hoko atu i nga mea a te Kuini kua oti nei te tuku ki a ratou, ara, ko nga Kakahu Hoia, ko nga Pu, ko nga Paura, ko nga Mata, ko nga Witiki, ko nga Kakahu Moenga, ko nga Kai ma nga Hoiho, aha ranei; Ekore hoki ratou e tukua kia hokohoko atu i aua mea ki nga Kakahu o tetahi atu tangata; Ekore hoki tetahi tangata e tukua kia tango mai ki nga mea a te Kuini, kua oti nei hoki aua mea te tuku ki ana Hoia hei wakahoia i a ratou. A, ko te tangata katoa e wakahe i tenei Ture a te Kuini, ka rapua i a ia nga Pauna Moni ehia ranei, hei wakautu mai mo tana he. Na, ko te itinga o te wakautunga mai a te tangata e he ai, Erima Pauna Moni, a, kake noa ki nga Pauna Moni Erua tekau; kia rite hoki ki ta te Kai wakawa e mea. A, ki te mea hoki, ka korerotia ponotia atu tetahi kupu ki te Kai wakawa, mea ana te kupu, Tera nga kakahu aha ranei o nga Hoia kei a Mea, meireira ka tonoa nga katipa e te Kai wakawa, hei rapu i te mea i korerotia, ano ra he mea tahae.

Na, Naku, na te Kawana, te Kupu nei ki a koutou, e hoa ma, kia ata matau ai koutou ki tenei Ture a Kuini Wikitoria, hei konei tenei Ture, mo te katoa o konei; koia au ka mea nei i tenei Wakapuakanga kia ata matau ai koutou; kei hehe noa iho tetahi o koutou, e aku hoa.

Heoi, ka oti tenei te tuhituhi ki toku ringaringa, i Paihia, i te rua o nga ra o te marama e huaina nei ko Mei, i te tau o to tatou Ariki, 1840, a i te tuatoru hoki o nga tau o te Rangatiratanga o te Kuini.

Na te Kawana.