73. | Mehemea e whai whenua tuturu ana tetahi tangata ahakoa Me kimi nga riiwhi o nga tangata mate. no runga i tehea Ture ranei i whai mana ai ia a ka mate ia a kahore i page 10tukua e ia tona whenua ki tetahi tangata kahore hoki i waiho e ia tetahi Pukapuka Ohaaki ka whai mana te Kooti i runga i te tono a te tangata e ki ana ko ia hei kai-riiwhi mo tera kua mate ki te kimi ko wai ranei te riiwhi tika. |
74. | Ma te Kooti e Whakatau. Ka kitea e te Kooti te riiwhi i tika ki tona whakaaro katahi ka whakaputaina tana Pukapuka Whakatau me whakahua ki roto ki taua Pukapuka te matenga o te tangata nona te whenua me te kore Ohaaki, nga rohe me te ingoa o te whenua, me nga ingoa o nga tangata i tika hei riiwhi me te Kupu hoki kua whakatuturutia aua tangata ki taua wahi. |
75. | Te mana o te Pukapuka Whakatau. Ma taua Pukapuka Whakatau ka whiwhi ai te tangata e mau ana tona ingoa i roto i te tikanga katoa a te tangata i mate i roto i te whenua tuturu e whakaaturia ana i roto i taua Pukapuka Whakatau. |
76. | Te whakahaere a te Kooti i nga Whakawa Riiwhi. Ko te whakahaere a te Kooti i runga i nga tono a nga tangata e mea ana kia tu ratou hei riiwhi mo nga tangata mate ka whai i runga i te mana o tenei Ture me te tikanga hoki a te Kooti i runga i ana whakawakanga Take whenua. |