.gif)
Ture Mo Nga Wahi Tuunga Kura Maori.
Whakawhaititanga.
| Ingoa. | |
| 1. | Ingoa Poto. |
| 2. | Ka tika kia whakaaetia e nga Maori he whenua hei tuunga kura. Me kimi nga take ki te whenua. Ko nga korero whakahoki me ki kia mana. Ka tukua te whenua ki a te Kuini. |
He Ture hei hanga tikanga mo nga wahi Tuunga Kura Maori.
Na ka Meingatia hei Ture e te Runanga Nui o Niu Tireni e noho huihui ana i roto i te Paremete i runga hoki i te mana o taua Runanga nga Whakaritenga ka whakaaturia i raro iho nei:—
| 1. | Te Ingoa Poto o tenei Ture ko "Te Ture Whakarite Wahi Tuunga Kura Maori, 1880." |
| 2. | Mehemea ka whakaae etahi Maori ki te wehe ke i tetahi piihi whenua a ratou kaua e nui ake i te kotahi tekau eka hei tuunga kura, ko te take ki taua wheuua kaore ano kia whakawakia e te Kooti Whenua Maori, ka ahei te Kawana ki te whakatu i tetahi tangata tika hei kimi i te take a nga Maori ki taua whenua, me te whakaae ano hoki o aua tangata ki te tuku pera i te whenua. |
Me whakarite e taua tangata tetahi wahi tu tata ki te whenua hei korero i taua mea, me matua panui ki roto ki te nupepa kia mohiotia ai.
Ko nga korero whakarite a taua tangata, ki te mea ka whakaaetia e te Kawana, me waiho hei kupu tuturu whakaoti rawa mo runga i taua whai taketanga me te whakaaetanga, a me panui ki roto ki te Kahiti a te Kawanatanga kia tika ai.
Ko taua whenua ka tukua rawatia i reira ki a te Kuini me ona uri me ona kai-whakakapi timata mai i te ra i panuitia ai, hei wahi tuunga mo te kura e korerotia ana i roto i te korero whakarite a taua tangata, kaua rawa mo tetahi atu mea.