Te Komiti Whakawhiwhi Mahi.
He Kupu whakamarama.

Te upoko o tenei Komiti kei Te Aute Kareti, ara ko te Komiti Tumuaki ano o te Kotahitanga. He kaiwhakahaere ona kei nga taone nunui o Nui Tireni, ara, ko

• Apirana Turupa Ngata, ki Akarana,
• (c/o Devore & Cooper, Solicitors, Auckland.)
• H. A. Hawkins, ki Kihipane,
• (Te Raukahikatea, Gisborne.)
• W. T. Prentice, ki Nepia,
• (c/o Sainsbury & Logan, Solicitors, Napier,)
• Tamati G. Poutawera, ki Poneke,
• (Native Land Court, Wellington.)
• Me Reweti T. Kohere, ki Otautahi (Christchurch),
• (Canterbury College, Christchurch.)

Ko nga mahi ma nga Kaiwhakahaere he uiui ki nga pakeha i nga mahi e puare ana ki nga tamariki Maori kura. Ma aua tamariki e tuku he tono (kei te Hekeretari i Te Aute me nga Kaiwhakahaere e mau ake ra nga ingoa, nga pukapuka tono hei hainatanga ma nga Kaitono me nga matua) ki aua Kaiwhakahaere, whakaatu i a ratou mahi e hiahia ana; a mehemea ka kitea he mahi e tika ana a ka mohiotia te u, me te kaha o nga tamariki e tono ana, ka whakawhiwhia ano ratou ki te mahi, a ma te Komiti e awhina.