Other formats

    TEI XML file   ePub eBook file  

Connect

    mail icontwitter iconBlogspot iconrss icon

Forest Lore of the Maori

25 — Ko nga mahanga manu — Na Ngati Raukawa

25
Ko nga mahanga manu

Na Ngati Raukawa

Na, mo te tarahanga, e tika ana he mahanga manu; engari ehara i te mea he ingoa mo te mahanga katoa, otira no te wahi iti anake o te mahanga, ara no te porohitatanga o te ti, o te harakeke ranei, i mahia hei urunga mo te upoko o te manu, e mau ai te manu. Kei te ahua o te manu e mahangatia ana te ritenga o te mahinga o nga tarahanga, te nunui ranei, te ririki ranei. Me he mea kotahi te tarahanga te ingoa he mahanga, e rua ranei nga tarahanga, a tae noa ki te rua teku pea, nui atu ranei, te ingoa he mahanga. Koinei te tarahanga, ko nga mea hei kuhunga mo te upoko o te manu; ko te honohononga o aua mea katoa ka kiia he mahanga.