Other formats

    TEI XML file   ePub eBook file  

Connect

    mail icontwitter iconBlogspot iconrss icon

Forest Lore of the Maori

8 — Ko te Whanau a Haumia, a Wainui ma — Na Ngati Awa ki Te Teko

8
Ko te Whanau a Haumia, a Wainui ma

Na Ngati Awa ki Te Teko

Ko te harakeke, ko te kiekie, ko nga tangata tena i wehe i a raua; ka oma te kiekie ki tona tupuna, ki a Tane, koia e mau na i roto i te ngahere-here. Ko te harakeke ka ahu tena ki tona tupuna, ki a Wainui, koia te harakeke e noho nei i uta, i te wai. Ko te rau o te raupo he whai ki tona huia, ki a Wainui, hei mana-aki i a ia. Ko te aka e piri i te rakau, ko te kaiherehere tena i a Tangaroa, koia te aka e riro na hei patu i a Tangaroa. Ko te mokehu, ko Haumia tena, tona hoariri ko te iwi Maori. Nga tamariki a te mokehu ko te waeroa, tona hoa ko te namu; ka haere mai raua ki te riri ki te tangata. Ahakoa he mano te namu ki te matenga, hei aha māna; e ki ana ia he ahakoa kotahi mano, e rua mano ona ki te matenga, hei aha i nga toto o te iwi Maori o te ao ka pakaru kei waho. Ahakoa mate atu ia ka riri tonu ia, ma te ahi anake ka mutu tana riri. He whakatauki tenei na te namu: "Hei aha ahau te mate ai i ona toto ka pakaru kei waho."