Hokihoki tonu mai te wairua o te tau
Ki te awhi-Reinga ki tenei kiri—ē!
I tawhiti te aroha e pai ana e te tau.
Te paanga ki te uma mamae ana, e te tau!
He moenga hurihuri te moenga i wharepuni,
Huri atu, huri mai, ko au anake, e te tau.
He pikinga tutonu te pikinga Hukarere;
Na te aroha ka eke ki runga—ē!
Aikiha ma e mau mai to uma,
Maku i here ka tino pai rawa—ē!
Ka pinea koe e au ki te pine o te aroha,
Ki te pine e kore nei e waikura—ē!