The Laws of England, Compiled and translated into the Māori language.
§ 62
[ko te tohutoro i roto i te reo Pākehā]
page xiv§ 62.
Ka oti nei te whakaatuatu nga ingoa o nga tino Apihia Kai-whakahaere o te Ture ki to te Pakeha tikanga; ko nga ritenga hoki o a ratou mahi kua oti te whakaatuatu ki nga kupu rua-run nei. Ko tenei, ka tuhia i konei he Tepara rarangi i nga Hara Kirimina. Ka rarangitia nga Hara, me tona nama, me toua nama; he mea tatau iho. Ka tuhia ki te rarangi i te taha maui, ko te ingoa o te Hara me tona tikanga, he mea pehea tona meatanga; na, ki te taha o tenei, ara, ki te rarangi o waenga, ka tuhia te whiu i whakaritea e te Ture mo taua Hara; na, ka tuhia ki te rarangi ki matau, ko te Kooti mana taua Hara e whakawa. Ki muri atu i te Tepara tatau i nga Hara, ka apitiria mai ko etahi Upoko whakaatuatu tikanga o etahi o nga Hara, he mea tuhi ano hoki ki roto ki te Tepara ina whai rerenga ki te Upoko whakaatuatu. Ko tona nama, ko te nama ano o taua Hara i roto i te Tepara. Muri atu i nga Upoko whakaatuatu, ko tetahi Tepara ano, he mea Whakararangi i nga Hara-kirimina ki te ritenga o nga reta timatanga o o ratou ingoa ina whakamaoritia.Ki te kimihia ki reira tetahi Hara e te tangata Maori korero i tenei Pukapuka, ka kitea ano tona wahi tokotoranga ki roto ki te Tepara tatau i aua Hara, he mea tuhi hoki tona nama ki tona taha.
Muri atu, ko te Upoko korero i te tikanga o nga Hara-Hiwhiri; muri atu, ko te Upoko whakamaori i nga tikanga o nga kupu Reo-pakeha kua whakamaoritia hei kupu Maori mo roto mo te Pukapuka nei, he mea rarangi hoki aua kupu ki te ritenga o nga reta timatanga. Muri rawa, ko te Tepara rarangi ingoa o nga mea katoa i korerotia nei nga tikanga ki roto ki tonei Pukapuka. Heoti ano, ka oti te wahi e meinga ana kia takua ki nga iwi Maori inaianei, hei whakaako i a ratou ki nga tikanga o to Jngarani Ture.