.jpg)
Ko Nga Moteatea, Me Nga Hakirara O Nga Maori
KO TE TAU A MOKAU MO TE RAUPARAHA.*
KO TE TAU A MOKAU MO TE RAUPARAHA.*
Karanga pa mai ?
Tena ka mene kei waho,
Kei tai e kokoti kino ana, i te ngaru tua manomano,
Tai ki Karewa,
Ko to paenga ia,
Waho o Maketu,
Ko te one tiatia, ki te tao matarau,
Te tonga puaroa,
Ka rimua o iwi ki runga o Tauwhara,
Taka mai Rawhiti;
E mau ana te toa na,
Whakahaerea ra,
Na runga i Ohautapere,
Ka tuwhera kau mai,
Te rua o Kaiwhare.
Tapua kau ana, te toka i a te Whata,
I te pae tirohanga nei hoki,
Wherawherahia ra e,
Te kapu o to ringa,
Kia hou taketake,
To ringa parapara,
I hakerea ai te mano o te whenua,
Kokopa mai nei,
Ki ona papa, ka heua nei hoki,
Me koko a tau, e
I te turanga whakawareware,
Whakawarea ana koe ra,
Ki te ngakinga mate, ki a Tamamutu,
Nawaki tonu atu e,
I te ara whekowheko,
Runga o Tarawera,
He tuki upokororo,
Ka iri maro,
Te hiakai tangata,
Kia Whakaue-Kopako.
* Rangihaeata sung this poem to Te Rauparaha, upon his being released, at Otaki. It is an ancient lament for a chief of the Ngatimaniapoto tribo named Te Wharaungu; his son was Te Paungo, whose son was again called Te Wharunga, who was the father of Te pango, a chief now living.