Ko Nga Moteatea, Me Nga Hakirara O Nga Maori
HE HAKA
HE HAKA.
He aha, he kai ma taua,
He pohue,
Aue te kawe, e
Me rore e au, ki te kiore,
Ma wai e kai tena kiore kai hamuti,
Hei te raumati ka haere ai taua,
He aha to te raumati kai,
He tuna ra,
Me aha e mate ai,
Me hi,
Me rapu,
E au,
Ki te ngoringori,
O taku pongenge.
Kia tomo mai,
He tuna pouaru,
Tarara whare,
Tahia ta,
Whare pouri,
Tahia ta,
Whare potango,
Tahia ta,
Ka rere te winiwini,
Ka rere te wanawana,
Ka hemo te whakamataku o te Atua,
Aue,
Te Atua, e.