Ko Nga Moteatea, Me Nga Hakirara O Nga Maori
HE TANGI MO TE WHENUA NA RAKEIWHARA NO TARANAKI
HE TANGI MO TE WHENUA NA RAKEIWHARA NO TARANAKI.
Tukua he karere, ki a Tuatara,
Te mokopuna a Ouenuku,
Te puke i Rarotonga,
Taku kainga ra;
Tu ake hoki au, ki runga i Owhato;
Kia whakamau koe,
Nga taotaoroa,
Taumaru ana mai,
Te tai ki Oruapoto,
Ka riro te whenua,
Taku kainga ra;
E tau ianei,
E kahuhui atu, kei rawahi,
Whakatonga, o te Waiariari.
Kia wetewete koe,
I te wao nui a Tane,
I kiia mai au,
Ki te tere kau, e, ra i.