HE WAIATA.

E Pa tawaho, e awhea mai nei,
E ho mai ana koe, e te kokoraro,
Te mate o te aroha, ka eke kei te kaki;
Kei nga puke au, ki Paratetaitonga;
Nau ka pai atu, ki tahau wahine,
Ka kawa tonu au, ka wai-ngaio-tia,
Pu ake ki te whare, ki a Tumutara ma,
Nei ka noho noa, oma nga waka mai o Te Wharetotara,
Ko Hine Moa au, e whakakau ana mai,
Nga tua one, ki Rangiuru ra ia,
Naku te Uma-kawa, i turaki ra waho,
Kei taku hoa ra, te tau-whakaurunga;
Nei ka hikoi, te horo ki Papango,
Ko te whakawhirinaki,
Tauawhi nui au.