HE TANGI MO TANA TAMAHINE.

Arohirohi noa, e Rangi, i a au,
Te ura o te kiri, taku e hiko atu,
Ra ka whakangaro, ka kopa i te hekenga,
To kanohi ra, kei hoki mai whakamuri;
Kawhakina ana te ia ki Ngatoro.
E ahu ki te tonga, nga puke weherua,
Roto te Hiapo, ki te hau-kainga,
E hine a Te Kehu, hikoia mai ra,
Kuru tongarerewa, ka makere i a au.
E ahu kei te ’raki, ki roto Rangataua,
Ma Tipari ra, mana e hurihuri,
Mo hine a Te Kaho, naku i taratara ai.