Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE WAIATA, WHAKAORIORI, NA TE HEUHEU, MO TANA KOTIRO MO NGERU

page 212

HE WAIATA, WHAKAORIORI, NA TE HEUHEU, MO TANA KOTIRO MO NGERU.

E hine, e tangi whakawairua nei te po,
I puta mai koe, i te waenga riri a o tupuna,
Ka ngaro te kai, te hau pupu mai o te reinga,
Tenei e hine nga nui o tupuna, i pukeria Hauhungaroa,
Ko Pehi, hua i mua ra,
Ka pa ianei e hine, ko ta namata riri he kahikatoa,
He paraoa, he akerautangi;
Tenei e hine, ko te ahi na te atua,
Nana i whakaonge te kai e hine,
Hei ki mai ma te rau o te wahi,
He nane ngehe rawa ki te mahi kai,
I onge hoki i mua ra i o tupuna;
I huia ruatia, ko te kai, ko te taonga,
Ko te toa i paia, i waenganui i nga he,
Ko te Pukeroa, hei reira tahi ano raua nei,
Ko Te Ratuhi,
Na Wariwaritea, te tau o te mutunga riri a to tupuna;
I rangona atu e ki te rangi,
Hei whakatau atu mo hine,
Kia pai ai, me titoko koe, e au ki te puke ki Ruahine;
Hei hoko huia, ka tae rawa te haere o te wahine,
Ngerungeru nei, ki tawhiti;
Ka nawa ki raro, to haerenga ki Wairarapa,
Ka kite ano, i nga kawe kai a Mawa;
Ki rawahi, ki Aropawa e hine,
Kei uhia koe e te rehu o te moana,
Ma te tangata koe, e hori to aroha;
Hei arahi i a koe, ki te whare i a Hine-i-tahi-o-te-rangi,
Ko te one i a Weka, tena e kiia mai nei ki te he nunui,
Tonu, o raro, nana nei ki mua ko to koroua,

page 213

Ko Keketara, Mauria-Hihi,
Whakakoretia ia,
He taku koe i tuku atu,
Kia hoki ana mai he paepaepoto,
He parakore ra no taua,
Ki a Tataha he umu korero te kai e hine.