HE WAIATA.

Kaore taku raru,
I au, e te rau,
Whakarere marire,
Te kotete a te ngutu,
He aroha e Hui,
Rangirangia au,
Te tu taku iti,

page 234

Waka o Te Uira,
Me aha e Pare,
Me he takakau koe,
Huna e au,
Whakina e te hoa,
E pai aku rongo,
Rongo mawhera noa,
Mokai ngakau,
Rangi ra i a au,
Tu mai e Tiki,
Kawea ake au,
Nga moaho koe,
Kairoa i uta,
Whakahia tangi noa,
Ngaru ka ma mai,
Te ripa ki Tokarahi,
Kei taku kiri ra,
Ka maka te tai-whanaunga,
Naku iana koe,
I huri rau rangi,
Hara mai nei au,
He’ tara ma te ngutu.