page 237

HE WAIATA.

Tera Tariao,
Ka moiri ki runga,
Na runga ana mai;
Te utu ki Rangiao’.
Te ngakau haere,
Whakakurutahitonu,
No nui o rangi ra,
Te mahara i raru ai,
Na te kamo anake,
Tana ngongi hua noa,
Koia tenei hanga,
E wairutu noa nei,
Aroha i mahuki;
Ki te makau i te rangi,
Kati na e Awa te mahi te hara mai,
Mea nei te kiri,
Ka tauwehe ko tawhiti,
Whamamao rawa;
Te ripa tauarai,
Ki to tai whenua,
Kei hoki atu te ’ingoingo,
I maringi a wai;
Te taru nei a te toto, ka whakina ki waho,
Mei ahatia koe i pakaru mai ai?
Werohia pea te kopere tupua,
Nau e Tuwhare,
Ka wheoro ki te rae,
O Taumata-maire,
Mei kai kanohi kau,
Taku nei titiro,
Ko koe nei e Te Heka,
Wairua e Tu,

page 238

Kei te hohoki mai,
Ka pa i anei;
Ko te puna i rukuruku,
Waka kua pakaru;
Ka eke au i te ’hipi,
Puke ki Oihi,
Kei hoki mai te manako.