HE WAIATA NO MUA.

Takoto iho, ki taku moenga,
E, te au rawa nei, ki ti whare,
Ko te moe tenei, a te manu
Me koropeke.

E ko wai te tangata, e haruru mai, te whatitoka o toku whare?
Aea, ano koe, ko Te Rawe;
Ko te Rawerawe, a Te Atanga,
Hoki atu ra koe, i waho na.

E haere tahi ana taua,
Naku nei, Rangituturu i waiho atu, i Owhare ra—
Hara mai nei au, ki konei,
Noho ruru ai.

Ka mea e koro, ka wewete,
I to makau;
Kia tapurekatia, ka waiho i te whare,
A e mea ana, e te ngakau, kia tuarua
Tia te hokinga.

Taku kairautanga, ki te tau,
A ia wahine;

page 35

Aea ano au, he manu e rere,
Tau atu ko tawhiti, ko te pae,
Kei a Te Popoki.
Kei huia a whare, tia e te hau,
No Ngatoko.
Ue! te raru e!