Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE WAIATA, AROHA, NA POTATAU, KI A TE KAWANA KEREI

page 254

HE WAIATA, AROHA, NA POTATAU, KI A TE KAWANA KEREI.

E piki ana i te pikitanga,
Ka whano ka tautuku aku turi,
Ki kona hoki koe e te tau,
Ki konei au whakamau ai,
I te auahi hinga na runga,
Ko te utu mana ki te aroha,
I na reira taku wairua,
Moe rawa iho nei ki te po,
Me he wai au e maringi,
Kei whea te tau i nga rangi,
E whano mawehe ana tenei,
Ka tu au i te huirangi,
Kia kauia te wa moana,
Kia Pakaurangi, i te tai tonga,
Nona te aha e te wairua,
Hara mai nei whakaoho rawa,
I taku moe, kia whitirere,
Hoki atu i waho na,
Ka kitea to kino e te tau, kia ahau.