Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

KO TE TANGI TENEI, A NGA TAMARIKI TOKORUA, I TE ARAHANGA AI, I A RAUA, KIA PATUA, E TE TAMA, A HONGI-HIKA, I TE PA O PAHIRUA, I TE TOTARA, KEI HAURAKI

page 38

KO TE TANGI TENEI, A NGA TAMARIKI TOKORUA, I TE ARAHANGA AI, I A RAUA, KIA PATUA, E TE TAMA, A HONGI-HIKA, I TE PA O PAHIRUA, I TE TOTARA, KEI HAURAKI.

Kaore te aroha! e komingomingo nei,
Te hoki noa atu, i tarawahi awa,
He kore tohunga mana, hei wehe ki te wai,
Kia hemo ake ai, te aroha i a au.

Tenei ka tope mai, te uhi a Mataora,
He kore no Tukirau, kihai ra i waiho,
Hei whakawehi e-i, mo te hanga i raro nei.

Noku, nga turituri pawera rawa, au,
Taku turanga ake, i te hihi o te whare,
E rumaki tonu ana, he wai kei aku kamo.