Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE KARAKIA, MO TE UA, KIA MAO

page 292

HE KARAKIA, MO TE UA, KIA MAO.

Tua, tua, koi ranginui,
Koi rangiroa,
Koi rangipouri,
Koi rangipotango,
Koukou te whetu i runga nei,
Moana ropu kei tai,
Kei tai e riri ana,
Tu mai ’a ’roi,
Kei tai e patu ana i te hau,
Tu mai ’a ’roi,
Punganangana,
Punganangana,
Puaka haua te tawhito o te rangi,
He Uru ra ko te hau,
He Tonga ra ko te hau,
Ka hara mai ka tinei,
Ka tinei kia mate,
Toki nui te toki,
Toki roa te toki,
Toki tawahie te toki,
Ka whanatu au ka hahau i te takapu;
O te rangi e riri mai na,
E nguha mai na,
Ka hinga,
Ka mate,
Hau mate,
Whakataka to hau ki te uru,
Whakataka to hau ki te tonga,
Kia tu mahinahina i uta,
Kia tu marokeroke i tai,
Kia ao ake te ra,
He tio,
He keo,
He hauhunga.