Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE WAIATA TAWHITO.*

HE WAIATA TAWHITO.*

E One rere noa,
I te ihu o te waka e,—
Kihai ano taku tau,
I rokomahuta ake i te pae ra,
Ka takoto to ika,
Ki roto Wharekahika,
Ko Te Ua-o-te-rangi e-i,
Ki roto Haparapara,
Ko Te Umu-whakamatamata e-i,
Naku i kaiponu,
Hei hoko kahu-waero mo taua e-i,
E hara a Te Puhi,
He whakarauoratanga,
Na Parera i te parekura,
O Ngati-Rongoi e-i,
Ki rawa mai nei
A Tareha, me tuku ki raro ra e-i,
I maharatia iho,
Ki te uri o Te Maunu,
Korero nui e-i,
I hakua hei aha,

page 406

Ko te uri tena,
O Haerehuka e,
Nana i kai te tangata,
Mo Umupeke koe,
E mo Te Makutu e-i,
Mo Ruru ra,
Mo tama a Te Uru kei raro e-i,
Mo Apokai koe,
Ki roto te Kaharoa e-i,
Mo to tupuna,
Naku i taumau ora e-i,
Inaia te kore,
Ko enei tamariki,
Ko wai taua kakai e-i,
Kauaka taku tau,
E kainga rikirikitia e-i,
Whakaratohia ra,
Kia rato nga iwi e-i,
Kia rato ’Pukenga,
Kia rato Waitaha e-i,
Kia rato ’Pikiao,
Kia rato Te Kanawa e-i,
Kia kai Hukiki,
Kia kai Makino e-i,
Mo Toko-te-kohuora,
Na o matua, i kai haere,
Haehaea mai ra,
Ki te mira tuatini e-i,
Ki te kuku moe toka,
No nga puke i waho ra e-i,
He o no Te Harakeke,
No Marae-karaha e-i,
Raupitia ra,
Ki te rau koromiko e-i,
Ki te rau angiangi,
No Tukehu kei raro e-i,
Kia ’tohu to hinu,
Te toto a aku tama na-i.

* He tangi na Huka mo tona iramutu i patua wakatia e Ngati Maru e Ngati-Pukenga ki waho i te moana, tona utu he kohuru na Huka hei utu mo Te Oneone kotahi rau takitahi i mate ai hei utu no Ngati Pukenga.