Other formats

    TEI XML file   ePub eBook file  

Connect

    mail icontwitter iconBlogspot iconrss icon

Ko Nga Moteatea, Me Nga Hakirara O Nga Maori

HE TANGI NA PANGO, MO TE WHARAUNGA

HE TANGI NA PANGO, MO TE WHARAUNGA.

Te iwi e moe nei, whakaarahia ra nge,
Te tara ki Kaitoto e ru ana te whenua,
Kua tutohungia ano nga aitua e Whara’,
Ka kata te tiutiu, tirohia Uenuku,
E hoka i runga te atua he nei,
Kihai koe i kawea, ma te nui a Ti Ari’,
Kia koaina koe e te mano e takoto,
E Whara’ korero nui, ki te putea wananga,
E tu ai koe, nga haupapa kowhatu,
I runga o Totorewa ka ruia to tao,

page 410

Ka mate ki reira whiua ki te maui,
Ka hinga Rangiahua, pu kau o hau riri,
Ki runga o Hangahanga i taroia e koe,
Nga hau o te rangi, i haere koutou,
Ki tua te marangai, kia whakaruku koe,
Te punu i Rotua, kia hinga nui mai,
Te mano ’Whakaue’, ka kai koutou,
Ki runga te Pukeroa, tera e titiro,
He po ka tuku nui, ka hoki whakamuri,
Ki te ngohi whakarewa, kei a Muri’ a Pare,
Nana i moumou, whakatoaia iho,
Te tangata whainoa, me ko Te Waiatua,
To roro e Haerehuka, te kai a Paretapu,
Kaore e te iwi, e kaupehitia iho,
Ka nui o hau ki te uru ki te tonga,
Ka puea to mate ki reira na-i.