page 13

HE TANGI NA TE RANGIHAEATA MO TE RAUPARAHA.

Taku waka whakairo, e!
Taku waka whakateretere,
Ki runga i te ngaru na, i,
Tena ka pakaru, e!
Kei te Manuao e pukai ana,
Nga maramara na, i!

Haere ra, e Raha, e,
I te aroaro o Tu-ma-tau-enga na, i!
Te mana o te Kawana, e!
Te inati o Nga-ti-Raukawa na, i!

Haere ra, e Raha, e,
I te aroaro o Ihu Karaiti! na, i!
Te mana o te Kawana, e!
Te inati o Nga-ti-Toa na, i!
Ki atu ana au, ‘e koro, haehae matariki na, e!’
Ki mai ana koe, ‘ waiho i Porirua,
I te kainga ururua.'
Kia ngata ai to puku, e hao nei koe na, i!

Ekore au e tangi i enei nga raro, na, e,
Tukua atu ki tua ki nga ra o te waru, e! i!
Ka kohi au i aku tini mahara na, i!