KO TE TUA, MO TE TANE.

Tohi ki te wai no Tu;
Whano koe.
Tangaengae.
Ki te hopu tangata,
Tangaengae.
Ki te piki maunga,
Tangaengae.
Me ho mai, tangaengae,
Mo te tama nei.

Whano koe
Tangaengae.
Kia riri ai,
Tangaengae.
Kia niwha ai,
Tangaengae.
Ki te patu tangata,
Tangaengae.
Ki te tomo pa,
Tangaengae.

page 76

Ki te patu whakaara,
Tangaengae.
Ki te tu parekura,
Tangaengae.
Kia riri ai,
Tangaengae.
Kia toa ai,
Tangaengae.
Ki te mau patu,
Tangaengae.
Ki te mau tao,
Tangaengae.
Ki te riri,
Tangaengae.
Ki te toa,
Tangaengae.
Ki te mau patu kowhatu,
Tangaengae.
Ki te mau taiaha,
Tangaengae.
Me ho mai, tangaengae,
Hei whakatupu tangaengae,
Mo te tama nei.

Whano koe,
Tangaengae.
Ki nga maunga nunui,
Tangaengae.
Ki nga rakau whakahihi,
Tangaengae.
Ki nga rakau whakahihi o te wao,
Tangaengae.
Me ho mai tangaengae,
Hei whakatupu tangaengae,
Mo te tama nei.

page 77

Whano koe,
Tangaengae.
Ki nga ngaru teitei, o te moana,
Tangaengae.
Kia turakina i tai,
Tangaengae.
Me ho mai tangaengae,
Hei whakatupu tangaengae,
Mo te tama nei.

Whano koe,
Tangaengae.
Ki te mahi kai, mau,
Tangaengae.
Ki te hanga whare nui, mou,
Tangaengae.
Ki te hanga waka taua,
Tangaengae.
Ki te karanga pahi,
Tangaengae.
Ki te whakatupu kupenga, mau,
Tangaengae.
Ki te hi ika, mau,
Tangaengae.
Ki te hao mahi, mau,
Tangaengae.
Me ho mai tangaengae,
Hei whakatupu tangaengae,
Mo te tama nei.

E ahua mai ra,
Te toro, i a Kiharoa,
Hei kawe rawa, i a au,
Ki te one, i Rangaunu,
Kei te rerenga, ki te Po;
Ko wai au ka kite.

^*