KO TE TAU TENEI I TOIA MAI AI A TAINUI, KI WAHO O TE WAO NUI A TANE.

Toia Tainui,
Tapotu ki te moana,
Ma wai e to?
Ma te whakarangona atu.
He tarawa i Nuku;
He tarawa i Rangi,
Tinia,
Monoa.
Nau mai,
Nau mai,
Ka kau taua;
I te awa tuatahi,
I te awa tuarua;
Kia matakitakina koe,
E te tini, o te tangata.
Naku, koe, i tiki atu,
Ki te wao nui a Tane.
Mingoi e Tane,
Rangahau e Tane.
Koakoa e Tane.
Turuturu haere ana mai,

page 91

Te wai, o te waha
O Marama,
E takina ana mai,
E te komuri hau,
Na runga mai o Waihihi.
Turukiruki
Panekeneke
Ihu o waika
Turukituruki
Panekepaneke
Turukituruki
Panekepaneke
Oioi te toki whanapou
a
Whanapou
a
Takitakina, a
Takinakina, a
Takitakina, i te rangi whanapou
Haere mai, haere ma-ai,
Haere mai, haere ma-ai,
Haere mai, e Ta-ane,
Kia kawea ko-oe,
Tera whenua-ua,
Tera moa ana;
Waiho atu a-ai,
Mau e ki ma-ai,
Taraia he ho-oe,
Taraia he wa-aka,
Kia pa-ai;
Tu te tau i-ihu,
Tu te tau ra-apa,
Patatai-ai,
Ake ma-ana,
Ki raro ne-ei;
Whati-ia,

page 92

Te hu-huki,
Te hu-huki,
Mo te i-ika
Tapu, o te mane-ea:
Te ika, i karangatia, ki te tai o Rangiri-iri.
E ku-ui,
E ko-oro,
Patua i te-ere,
I te tere ki u-uta,
I te tere ki ta-ai,
Kei ketua e te koi-ore.
Tena ra,
To whakatina.
Ekore pea, te ngongo kino,
Tane kino,
Kui kino.
Ko rimu, haere-a kau-ai-a.
Totara, haere-a kau-ai-a.
Puketea haere-a kau-ai-a.
Koroi haere-a kau-ai-a.

Titi e,
Tata e,
Titi e.
Tata e,
Ko koe ki runga,
Ko an ki raro,
E kare ko kau ana,
E kare ko kau ana,
Ki te kare
A Roto,
Ki te kare
A Roto.

Ka aroha
Te motu, e tu mai,
Te pae ki

page 93

Taitata,
Te pae ki
Taitata,
Penei
Hoki,
Pera
Hoki
Au kino
Nei hoki,
Au mangu
Nei hoki,
Tuahuru
Nei hoki,
Tuatete
Nei hoki,
Mokomoko
Nei hoki,
Tuatara
Nei hoki,
Manawa
Tia te kino o Te Auripo.
Manawa,
Tia te kino o Te Auripo.
I kainga tona niho
Poro-rua;
E kia wheua ki te taha,
A—a—a—a
Pehia iho,
Pehia iho.

^*