Collected songs and legends from the southern Cook Islands
E Tuatua Teia No Tetai Tamaiti No Mangaia
[Note added by Bob O'Brien as transcriber:] E Tuatua Teia No Tetai Tamaiti No Mangaia
E tuatua teia no tetai tamaiti no Mangaia koia aki a Kata. Kua noo aia ki te ngutuare o tatai [unclear: Diakono] koia ia Luka, e toru ona mataiti, kua aere atura aia ki Aitutaki, e rua ona marama i te noo anga ki reira. Kua akaruke atura aia i Aitutaki kua aere atura ki te Kuana. [unclear: Akotai] mataiti i te noo anga ki reira, kua aki akaau maira ki Rarotonga nei, e toru marama i te noo anga, kua rokoia aia e te maki, tera te maki e maki kiriti, i te ra i te marama ia e Ianuari i te 1891. Kua maata tena maki, i te ora ono i te aiai i te ra rima kua mate atura aia.
Kua ati te au tuatua i te akakite ia eia ki tona metua angai koia aki a Luka. Tera tana tuatua i kapiki kia Luka. E taku metua e, tena kae? Teia au? "Te aere nei au ki te enua rangi!"
"Me tae tiki iaku, ka aere au kia Iesu i te enua rangi."
Kua tuatua, akaau maira aia kia Luka, "Aue te nanave o tei tama ia. Te toto o Iesu te kauvai ora."
Kia oti ia tuatua kua kapiki akaau maira kia Luka, e taku metua te rongo maira koe? Tera ta taua metua ra, te kite ra kae e taku tamaiti e ka rauka [unclear: iakoe] te ora. Tera to taua tamaiti ra? No te aa? Kua oti ia angaanga? Taku metua i te tuatau rangimarie. "Nga rima mou o Iesu koia taku ara. Tona umauma maru. Ko toku ia akaeanga."
E kia oti tei reira tuatua, kua ui maira aia kia Luka? Eaa te ora? Kua karanga atura aia e ora? Tera te tuatua a to ua tamaiti. Kare ake e rave nga ke ake, e taku metua, kua tuatua maira a Luka e [unclear: akaperaika]?
Kua karanga maira aia e patia, kua tiki atura a Luka i te au taunga kua patia aere, kare ra e ravenga e ara ai, kua ririnui maira te maki ki runga i tona kopapa. Tera nga tuatua apenga a taua tamaiti ra.
"Kia aere ua akeau, na te o o te maru mate, kare rai au e mataki i te kino tei vaitata kataao kae iaku. To rakau e tokotoko tei akapu maana mai iaku."
Kia ati taua tuatua ra i te akakite ia. Kua kapiki atura ki te au mapu o Mangaia mate [unclear: ru] ua nga rima, kua karanga atura.Ka akara ana i te angaanga a te Atua, kia ati tona tuatua kua mate atura aia.