page 8

Wahi II.
Pukapuka ki te Kawana.

Mo runga i te tono a te Kawana kia tukua atu e nga Iwi Maori te Apiti i te Pitihana, E penei ana te Korero atu tenei matou au pononga te tuku atu nei i nga take i kiia mai nei e koe ki a Te Keopa Te Rangipuawhe ia ia e whakaatu aaa i te Pitihana a nga Hahi Katoa o nga Maori o Nni Tirene ki tou aroaro, nui atu te haringa nui i puta i te Komiti whakahaere o taua Pitihana, mou i whakamahara mai nei kia tuhia atu ano nga mea i takahiae o Te Tiriti o Waitangi, me nga mamae e auetia nei, me te taimaha hoki e peehi nei i runga i nga Iwi Maori.

Na te whakaaro kia wawe te tae atu, koia i Kohikohia ai Te Komiti ko enei nga mea hai Apiti ki te Pitihana e tukua kia Te Kuini, nui atu aua putake e toe ana, kai nga Iwi, kai nga hapu o Nui Tireni, kai te Paremete ano hoki e taipu ana.

Ka puta ano hoki nga whakawhetainga i runga i te Hinengaro aroha mo to whakaaetanga ki te tuku i te Pitihana nei ki to tatou Kuini, a e inoi atu ana ano hoki au pononga iti i raro i tou mana nui, kia tino whakamana e koe tena Pitihana ka tukua atu i runga i te pai me te aroha ki ou Iwi Maori.