E hoa e Te Harete,—
Tena koe. Kua rupeke nga iwi ki te huihuinga ki Peria. Te take he mahara na Wiremu Tamehana kia karangatia nga tangata mohio o nga iwi katoa kia kite i te mohio tanga o nga tangata katoa. Ko te ritenga tenei o tenei huihuinga. Ki te oti maku te reta kia koe. Heoi ano tena kupu kia koe. He kupu ano tenei naku kia koe. Ko taku hoa ka tukua atu e ahau kia koe. Mana e kawe atu taku reta kia koe. He patai naku i nga korero o kona kia mohio matou ko aku hoa tenei he korero kia rongo matou. Me he korero mau e korero mai kia ia aramau te ritenga ki toku hoa kei mate i te ki. Heoi ano tena kupu. He kupu ano tenei naku kia koe. Kua tae atu ra nei a Maka Winiata kia koe? Me he mea kua tae atu, mau e korero mai nga kupu kia matou. Heoi ano ka huri.