Ki te Karere Maori,—

Ko ta matou kupu tuturu, ki te kanohi o te Petatone me nga pakeha katoa o nga awa nei, ko te kupu tuatahi, e Takuta Petatone, e hara i te pupuri hou ta Ngatiraukawa i tenei taha o Rangitikei; no mua no Kawana Kerei raua ko te Makarini, na matou i ata whakahoki atu ko tera taha mo te hiahia o Ngatiapa, riro marama atu i a Kawana tera taha; mau marama iho tenei taha; muri iho ko Ma, raua ko Kawana Paraone, ka tohe ano a Herangi kia Ngatiapa, Kaore te Kawana Paraone i rongo ki te reo o Ngatiapa, whakaritea ake e au ko Manawatu ki tenei Kawana, ko Rangitikei kia Kawana Kerei, Kaore he kupu pena a era Kawana me rongo koe ki te reo o Whanganui o Ngatiapa, e he ana E ono tangata rangatira o te iwi nana i whakaputa aua kupu, Kaore he kupu utu a te Petatone mo enei kupu, ko te kupu eka eka o te whenua i utua tera, ko te Kooti whakawa i utua e ia, kaore te mana o era Kawana i whakahokia e ia ki te kupu whakahe ki te kupu whakapia ranei ko nga kupu hou tana i utu mai, ko te Kooti.