Moni Utu Tangata Mai I Tawahi.

Hirini Taiwhanga.—Kaore au i te mohio ki te take i whakahe ai nga Mema pakeha mo enei moni. Mehemea ka puta nui mai te tangata ka nui haere ake nga moni e puta mai ana ki te Kawanatanga, tetahi hoki mehemea e riro mai ana he tangata tika ka nui haere page 41hoki te utu whenua ma tera e ora haere ai nga mea katoa. Mehemea kei nga Maori ano te mana whakahaere i o ratou nei whenua ka hohoro tonu ta ratou nama moni hei uta tangata mai ki tenei whenua, notemea e kite ana ratou ma tera e nui ai nga utu mo a ratou whenua, engari ko te iwi pakeha kaore pea i te kite i te tika o tenei kupu.