Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Te Totaraiheita

Te Totaraiheita.

Timi Kara.—E mea ana ahau mo runga i tenei mea i te totaraiheita kahore ona kino. Kua oti noa ake hoki te whakamana e te Paremete, a i raro i enei tikanga e utua aua e te iwi te taake ki nga tangata na ratou taua mihiini me te karapu reehi. Kahore he winitanga o te Korini i runga i aua moni e utua ra. Akuanei ki te tirohia nuitia taua mea haunga te whakaaro ki au ake. Kahore au e kite i te mea ekore ai etahi o aua moni e toia mai mo runga i nga mahi whakaaroha. Kua mea etahi tangata ki te whakakorea taua totaraiheita ka tahi ka nui rawa te mahi peti ra roto i nga pukameka. Heoi hei patu i taua mahi peti pukameka i whakamana ai e te Paremete te Ture purei Keemu me te Ture Rotari kia mana ai te totaraiheita, na e hiahiatia ana i naianei kia whakakorea te totaraiheita, ki te penatia, ka tipu mai ano te hara ra roto i nga peti pukameka. E tino mohio ana ahau ka penei. Ki taku whakaaro me ata titiro tenei mea te totaraiheita. He hara kei roto i tona ahua o naianei. He wahi reehi kei nga wahi ririki katoa o te Koroni a i runga page 19i nga reehitanga maha e tungia ana aua reehi kia mahia ai te totaraiheita. Ko enei tu reehi nga reehi e kiia nei he reehi paparakauta he reehi totaraiheita. Ki au me whakakore aua tu reehi. Kei te mahi nga karapu nunui o te Koroni inaianei kia whakaitia iho te mahi i aua totaraiheita mehemea e mahia ana te totaraiheita i runga i etahi huarahi tika,. ka kore te nui nga o nga hara e korerotia nei a ki taku whakaaro he huarahi tika tenei. E nuku atu ana oku whakaaro i nga whakaaro o te mema nana tenei motini, e mea ana ahau me whakamana te reehi tiikiti. Ka ahei ano hoki te whakaeke he taake ki runga i aua reehi tiikiti pena ano me te totaraiheita. Kua whakamaramatia mai ekore e taea te patu taua mahi peeti e te Paremete. Ki te patua i runga i tetahi huarahi ka puta mai he huarahi ke. I muri iho i te arainga peeti tiikiti he mano nga pauna kua tukua atu ki era atu Koroni i runga i taua huarahi ano ahakoa he hara kei roto i tenei ahua peeti ki taku whakaaro he mea tika kia ata whiriwhiri e te Wnare.