Nga Korero Paramete: 1886-1890
Rarangi 19
Rarangi 19.
Timi Kara.—E whakahe ana ahau ki te kupu "Pei o Pereti," erangi me uru atu te kupu, "Aotearoa." Tera hoki etahi whenua e tika ana kia whakahaerea i raro i tenei rarangi.
Tame Parata.—Me tuwhera tonu tenei rarangi, kia pa katoa ki nga whenua e raruraru ana. Kanui hoki nga pitihana e tae ana mai ki te Whare kia whakatikaia nga whenua e he ana te takoto.
Whakaaetia ana tona rarangi.
Nga Whakawa Tuarua.
Ta Hare Atikini.—E mea ana au me waiho ma te Tiati me te Ateha e whakarongo e whakaoti nga tono whakawa tuarua.
Timi Kara.—E whakaae ana ahau me kotahi te Tiati me kotahi hoki te Ateha, erangi me rite tonu a raua mana. Ki toka whakaaro, kei te mohio tonu nga Ateha. Ki nga ritenga Maori. Kanui te mahi pai o nga Ateha, rita tonu ki ta nga Tiati.
Tame Parata.—Ka haere tonu te titiro a te Tiati me te Ateha ki runga ki nga korero e whakapuaki ana kei o raua aroaro mo nga tono whakawa tuarua. Me whiwhiri marama he tikanga mo tenei mea. Kei hoha te Whare ki te whakarongo i nga pitihana tono whakawa tuarua.
Whakaaetia ana.
Taipua.—Me Whakarite nga tau e mana ana te Karauna ki te hanga rori i runga i nga whenua Maori, kia rima tonu nga tau, pena me to nga whenua Pakeha.
Tame Parata. — E tautoko ana ahau i tenei.
Whakaotia ana.